ጠርሲዳ ጠንካራ የኾኑ ስሜቶችን ቀላል በሚስሉ ኹነቶች ውስጥ ታጋራናለች፤ አንደርድራ ከገጸ-ባሕርያቷ ጋር ሕመም እንድንጋራ ታደርገናለች፤ መልሳ በብዕሯ ከልባችን ካኖረቻቸው ገጸ-ባሕርያቷ ጋር ሀሴት ታቋድሰናለች። ጊዜ፣ አጋጣሚ፣ እምነት፣ ሕይወት፣… ሳታቅበዘብዝ ብዙ ትዳስሳለች፤ ለአንድ ጸሐፊ በተለይም ለጀማሪ ጸሐፊ ከባድ የኾነውን ስሜት ማጋባት ተክናበታለች።

እኔን “…ለካ ሕይወት እንዲኽም ትተረካለች፤ ለካ እንባም ቅርስ ሆኖ ይያዛል፤ ለካ በልጅ ልብ የሳቋት ብጣቂ ሳቅ ዛሬም ትመነዘራለች፤ ለካ መልከ ብዙ የሕይወት ውጣ ውረድ እንዲሕኽ ቀለል ተደርጎም ይጻፋል! የዋኽ፣ ደፋር እና መውደድ የማትታክት ነፍስ በጽሑፎችሽ አይቻለኹ። …” አስብላኛለች።

እናንተም ተጋበዙ! አንብቡ፣ አፍቅሩ፣ ተዝቱ፣ ታዘቡ፣ ቅኑ፣ ደግ ደጉን ተመኙ…!

ሰብነማ ግርማው ( Editor )

The post “ውሃዬን ሸጬ ኮዳ የገዛኹ’ለት” እና ሌሎችም የተኖሩ እና የተመነቡ ተረኮች first appeared on Addis Books.